ЕЛБАСЫ МЕДАЛІ табыстың жеті бағыты

«Елбасы медалі» - жастарды кешенді дамытуға бағытталған ұлттық деңгейдегі жалғыз бағдарлама. Бағдарлама 7 негізгі бағыттан тұрады: спорт, дарын мен дағды, кітап оқу, ұлттық мұра, волонтерлік, экспедициялар мен жорықтар, еңбек практикасы. Бағдарлама 14 пен 29 жас аралығындағы жастарға арналған.

Бағдарламаға қатысу арқылы, жастар өз уақытын басқаруға, мақсат қоюға және оларға жүйелі түрде қол жеткізуге, салауатты өмір салтын ұстануға және үнемі өзін-өзі дамытуға үйренеді.

2020 жылы «Елбасы медалі» бағдарламасы 11 мыңнан астам қатысушыны, 600 тәлімгерді, 17 аймақтық үйлестірушілер мен сарапшыларды қамтыды. Медальдың алғашқы тұсаукесері 2020 жылдың желтоқсанына жоспарланған. Елбасы медалінің иегерлері білім гранттарын тағайындау кезінде заңнамада белгіленген тәртіппен артықшылыққа ие болады.

ЖОБАҒА ҚАЛАЙ ҚАТЫСУҒА БОЛАДЫ?

• me.fnn.kz  сайтында тіркеліңіз
• Өткіңіз келген деңгейді таңдаңыз – алтын, күміс немесе қола
• Өз деңгейіңіздің тапсырмаларын уақытылы орындаңыз
• Өз деңгейін аяғына дейін өткен қатысушылар Елбасының медалімен марапатталады!

Қандай деңгейді таңдайын?

• «Қола» деңгей Жас шектеуі 14 жастан жоғары. Ұзақтығы – 6 ай

• «Күміс» деңгей Жас шектеуі 15 жастан жоғары. Ұзақтығы – 12 ай.
• 
• «Алтын» деңгей Жас шектеуі  16 жастан жоғары. Ұзақтығы – 18 айға дейін
• 
• Жасыңыз сәйкес келсе, Сіз бірден жоғары деңгейді таңдай аласыз, немесе деңгейлерді кезегімен өте аласыз

Қандай тапсырмалар береді?

• #challenge-де  7 бағыттан өту керек:

Жеңіске барар жолда сіз уақытыңызды тиімді өткізесіз: спортпен шұғылданасыз, өз-өзіңізді дамытасыз, туристік саяхатқа шығасыз, жаңа кітаптар оқисыз және тағы басқа пайдалы дүниелермен айналысасыз. Деңгей өскен сайын, сіз өз уақытыңыздың көп бөлігін тапсырмаларды орындауға жұмсайсыз және өз дағдыңызды шынықтырасыз!

#challenge-ге қатысу маған не береді?

«Елбасы медалі» жобасына қатысушылар ақылды, күшті және талантты бола бастайды! #ChallengeElbasyMedali кезінде олар өз құрдастарымен танысады, жаңа қызықты достар табады, Қазақстанда танымал адамдармен кездеседі және өздерін бүкіл елге таныта алады! Жеңімпаздар медальмен марапатталып, еліміздің кәсіби мамандар арасында өз орнын табуға мүмкіндік алады!

«ЕЛБАСЫ МЕДАЛІ»

ЕЛІМІЗДІҢ ЕҢ АУҚЫМДЫ #CHALLENGNE-НЕ ҚОСЫЛ!!!

Ақмола облысы бойынша 73 бала Елбасы қола медалінің иегерлері болып атанды.

Біздің ауданымыздың оқушылары осы жобаға қатысып, 6 бала Елбасы қола медалінің иегерлері болды. Олар: Өлеңті ауылының жалпы білі беретін мектебі Ерденова Амина Ержанқызы 9 сынып; Нурболатқызы Ұлжан, 17 жас, ПМПУ студенті, Өлеңті ауылы; Чубаева Дана, Шайнурова Эльмира, Шевченко Татьяна, Иващенко Александра 10-11 сынып, Ерейментау қаласы Насыр Смағұлов атындағы мектеп – лицейі оқушылары. ҚҰТТЫҚТАЙМЫЗ!

Қазіргі уақытта Өлеңті ауылының жалпы білі беретін мектебі бойынша 3 оқушы «Елбасы медалі» жобасына қатысып жатыр. Олар өздерінің жұмыстарын қараша айында бастады. Оларға сәттілік тілейміз!